Дознајте ги деталите за вашата матична плоча

Компјутерите купени од нашите, помалку или повеќе реномирани компании секогаш се со запечатени куќиштата со некакви налепници, се со цел да обезбедат каква таква гаранција на деловите. Вака залепеното куќиште подлежи под гаранција, се до моментот кога ќе се осудите да проверите што има внатре. После отварањето на куќиштето за многумина почетници претставува отварање на Пандорината кутија. Неколку вертикално поставен делови, поставени на матичната плоча го формираат комјутерот во целина. И што откако ќе ја воочите матичната плоча? Некои производители си ја завршиле работата и убаво културно го напишале моделот на матичната плоча. Но не сите производители го пишуваат моделот на матичната плоча на самиот PCB, на некои не пишува ама баш ништо. Но порано или покасно, секој има потреба да го дознае производителот и точниот модел на матичната плоча, особено ако сака да го надогради компјутерот, бидејќи можноста за надоградување најмногу зависи од матичната плоча. Овие информации се потребни исто ако сакаме да го апдејтуваме биосот на матичната плоча или да симнеме нови драјвери за истата. Апдејтувањето на биосот некогаш претставува клучен чекор доколку сакате да го надоградите вашиот компјутер. Со апдејтување на биосот се отвараат нови можности "не секогаш" за проширување на спектарот за поддршка на нови процесори. Пример, ако го земеме Intel 965 чипсетот. При првичното појавување овој чипсет имаше поддршка на процесори со максимален FSB од 1066MHz. Со појавувањето на процесорите со 1333 FSB опцијата за инсталирање на истите не беше можна. Со исфрлањето на новите апдејти на биосот наменети за овие чипсети, поддршката за овие процесори стана возможна. Но како да се дознае вистинскиот софтвер, кој ќе биде компатибилен со вашата матична плоча? Во самиот биос, постои сериски број кој е вметнат од самиот производител. Овој сериски број, може да биде прочитан од неколку познати програми, кои се главно наменети за решавање на оваа проблематика и тестирање на компјутерите. Еден од најпопуларните тест софтвери во моментов е Everest. Доколку ја немате оваа програма еве Линк за превземање. После инсталирањето на Everest, ќе морате да внесете валиден сериски број за да можете да ја работите програмата. На активниот прозорец има многу опции кои нема да ги разгледуваме во овој дел.

Од левата страна, се наоѓаат сите делови на вашиот компјутер. Со стискање на делот матична плоча, ќе ви се отвори прозорец, каде во горниот средишен дел е испишан производителот и моделот на матичната плоча. Нашата плоча е Asus P5B-E Plus. Подолу во прозорецот се прикажани и останатите карактеристики , почнувајќи од типот на лежиштето, ширина на собирница, фреквенција на процесорот, колку слотови за меморија има плочата, типот на чипсетот и сите останати потребни информации. Во овој дел Everest нуди и директен линк до производителот на матичната плоча. Со кликање на овој линк, вашиот интернет пребарувач директно ја отвара предвидената страна за симнување на целокупниот софтвер, ваше е само да го изберете точниот модел на матична плоча. Од левата страна во делот на менито се наоѓа копчето BIOS. Со притискање на ова копче ќе ви се отвори прозорецот како на сликата подолу, во кој го пишува типот на биосот, врзијата на биосот, датумот на издавање на биосот, со што можете да увидите дали вашиот биос е последен и дали има потреба од апдејтување.
Постојат голем број програми со кој можете да ги дознаете сите детали за вашиот компјутер, вклучувајќи ја биос верзијата на матичната плоча, но Everest е повеќе од супериорен кога станува збор за хардверска детекција.

Еве линк да го спуштите Everest Ultimate верзија 5. Проверен од вируси, работи со сите мајкрософт оперативни системи вклучувајки и Windows 7.

Password:www.xtremew.org