Дојде крајот на Eee PC

Компанијата Asus ќе престане да ги произведува Eee PC со дијагонала на екранот од 8,9 инчи. Овие преносни компјутери ќе се произведуваат само уште оваа година.
Според изјавите на потпретседателот Benson Lin на Asus во Азија, оваа одлука е донесена поради зголемената популарност на Netbook со дијагонала на екранот од 10 инчи и поради тоа компанијата ќе се фокусира на нивното производство.
Иако 8,9 инчните модели сеуште се најпродавани, оваа година 95% од Netbook на компанијата ќе имаат 10 инчни екрани, а останатите 5% ќе имаат 7 инчни модели за посебни корисници.
Првичната замисла за Netbook е да бидат мала и ефтина замена на големите преносни компјутери. Но како се зголемува популарноста на 10 инчните модели на пазарот се појавуваат и модели со 12 инчни екрани и процесори Atom. Како и да е компанијата Intel ќе мора да ја промени својата политика и да не користи такви процесори за Netbook машини кои имаат поголема дијагонала на екранот.