Револуционерна тастатура од Asus

Револуционерната Asus Eee тастатура ќе биде пуштена во продажба во мај или јуни оваа година по цена од 400-600 американски долари. Всушност, станува збор за компјутер кој овозможува гледање на домашно кино сместен во тастатурата, со комплетен безжичен HDMI и секундарен екран чувствителен на допир.
Според директорот на Asus Џери Шен, компанијата работи на два различни модели, кабелски и безжичен. Кабел-варијантата ќе чини околу 400 долари, додека безжичниот систем ќе изнесува 600.
Taстатурата вклучува 5-инчен вграден дисплеј, 1.6 GHz Atom процесор, 1 GB рам меморија, 16/32 GB SSD, Wi-Fi и Bluetooth. Ги содржи сите влезови кои ќе ви притребаат доколку ја набавите, како безжичниот HDMI, 2 USB 2.0, VGA, HDMI и аудио in/out.
Се што треба да направиме е да причекаме кај нас да дојде HD телевизијата, за задоволството да е комплетно. Ама, дотогаш ќе измислат тастатури кои левитираат и пеат...