Latitude E6400 XFR теренскиот лаптоп

Dell најави лансирање на новиот суперотпорен и теренски лаптоп наречен Latitude E6400 XFR. Оваа машина е дизајнирана за задоволување на 13 различни воени спецификации (MIL STD 810F) кои вклучуваат издржливост при паѓање, магла, екстремни температури, термални шокови, експлозивно опкружување и други слични ситуации.
Компанијата вели дека овој супер издржлив компјутер е дизајниран како таков благодарение на Балистичкиот Заштитен Воен Систем и користење на ексклузивен материјал од страна на Dell наречен PR481. Dell вели дека PR481 има двапати поголема јачина од магнезиумовата легура, 25% поголема издржливост од паѓања и овозможува одржување на структурната стабилност при екстремни температури.
Заштитниот систем исто така се состои и од PrimoSeal технологијата која ја зголемува отпорноста и заштитата од прашина и течности
за одржување на ниската работна температура на машината при високи температури, Dell го користи QuadCool термалниот регулирачки систем. Графиката ја обезбедува NVIDIA Quadro NVS 160M GPU со 256MB DDR2 RAM. Матичната плоча е со Intel 45 Express чипсет, а двата мемориски слотови обезбедуваат вкупна мемориска подршка од 8GB DDR2 RAM на 800 MHz. Стандардната складирачка понуда е до 120 GB HDD, а дополнително се нуди до 128 GB SSD. Батеријата користи ExpressCharge технологија за побрзо полнење кога се користи на терен. Компјутерот има дебелина од 2,2-инчи, а најмалата тежина е 3,85 kg. E6400 е со 14.1-инчен дисплеј и користи DirectVue технологија за подобра читливост при сончева светлина. Од останатите функции тука се гигабитниот LAN, 56K v924 модем, WLAN, читач на мемориски картички, веб камера, а како дополнителна варијанта се нуди и bluetooth адаптер. Основната верзија на Dell E6400 XFR има цена од 4,299 долари.