Duke Nukem NEVER!

**LadiC** Sat May 23, 2009 12:42 pm

12 години правење на една игра очигледно се покажа како неуспешен бизнис модел за 3D Realms, кои објавија банкрот заради недостаток на финансии.

Основана во 1987-ма, компанијата меѓу гејмерите се прослави со игриците Вулфенштајн 3Д и Дјук Нукем, а притоа успеа да го популаризира и концептот на "шервер" игри.

Компанијата работеше на продолжението на Дјук Нукем, кое по 12-години развој во индустријата стана синоним за проект кој никогаш нема да биде завршен.

Издавачот на играта Take-Two објави дека повеќе не планира да го финансира развојот на Дјук Нукем, но планира да ги задржи авторските права на насловот.

"Можеме да потврдиме дека нашата врска со 3Д Реалмс за Дјук Нукем засекогаш, беше договор за издавање, кој не вклучуваше дополнително финансирање за развој на насловот," објаснуваат од Тејк Ту.

Иако нема официјален коментар од 3Д Реалмс, на форумот на компанијата, веб-мастерот ги потврдил гласините.

"Не е маркетинг. Вистина е. Немам што повеќе да кажам во ова време."