Монопол инсајд

Интел ќе треба да плати рекордна отштета од 1.06 милијарди евра, откако Европската анти-монополска комисија пресуди дека компанијата не другарски се однесувала кон конкуренцијата а посебно кон AMD.

Најголемата казна во историјата ЕУ, следува откако комисијата заклучи дека меѓу 2002-ра и 2007-ма, Интел им плаќал на производителите и на трговците за фаворизирање на нивните производи.

Комисијата соопштила дека Ацер, Дел, ХјулитПакард, Леново и НЕЦ, добивале таен попуст доколку користеле само Интел чипови.

Покрај производителите, попуст добил и Медиа Маркт, со што требало да се осигури дека компанијата ќе продава само компјутери со Интел чипови.

Освен финансиската поддршка за промовирање Интел производите, компанијата плаќала и за откажување или одложување на промоциите на специфични производи со AMD технологија.

Истрагата започна по жалбата поднесена од вториот најголем производител на чипови, AMD (Advanced Micro Devices). Минатата година 80,5% од продадените компјутери имале Интел чипови. Додека само 12% биле на AMD.