Компјутерот “Тесла“ ќе го промени светот

Првиот персонален суперкомпјутер во светот, наречен “Тесла“, кој е 250 пати побрз од просечниот персонален компјутер, претставен е во Лондон.

Научниците веруваат дека “Тесла“ ќе им помогне во експериментите и пресметките за пронаоѓање на лекови за некој од болестите.

Имено сега на истражувачите ќе им биде овозможено да испробаат стотина илјади комбинации со вкрстување на научни податоци, за да дојдат до листата на можните супстанции кои се користат за лечење на луѓето.

Овој исклучително брз компјутер ќе има можност да го забрза пронаоѓањето на лековите против ракот, смета Џек Колинс од Напредниот биомедицински компјутерски центар во Мериленд.

Супербрзиот компјутер има работни станици направени од најновите “НВИДИА“ графички просечни единици, способни истовремено да извршуваат голем број сложени компјутерски операции, кои до сега биле поврзувани со голем број на компјутери кои зафаќале цели простории.

“Оваа технологија претставува голем напредок во производството на компјутерите и затоа овој изум е подеднакво важен како и пронаоѓањето на микрочипот. Традиционалниот процесот ги врши задачите една по една, линеарно, но графичките просечни единици работат симултано. Со сегашниот компјутер потребно е околу шест часа да “симнете филм од “Ајпод“, додека со новата технологија би биле потребно 20 минути“, рекол Бенџамин Бераонд, претставник на “НВИДИА“.

Иако неговата цена од 4 000 фунти е превисока за поголемиот дел од луѓето, овој компјутер со високи перформанси ќе биде од непроценлива вредност за универзитетите и здравствените установи.