Гласини за AMD тријадрен процесор

После минатонеделното појавување на четиријадрениот Opteron (ака Barcelona) се појавија гласини дека AMD планира да лансира тријадрен процесор, поефтина варијанта на четиријадрениот процесор. Идејата е да се „спасат“ неколку четиријадрени процесори кои имаат проблем со некои од јадрата, и да се вметне трета линија на процесори, нешто помеѓу дво и четиријадрените понуди.

Интеловиот пристап кон четирите јадра, каде два двојадрени чипови се пакуваат во multichip модул (MCM) е одлично за производството, бидејќи помалку боли да се отфрлат две јадра отколку четири кога би имало дефект на едно јадро. Тријадрениот чип ќе му дозволи на AMD да го намали отпадокот, но тоа ќе им успее ако го прифатат корисниците.

Може да помислите дека тријадрен процесор е малку необична работа, но би биле во грешка. Мозокот на Xbox 360 е тријадрен процесор дизајниран од IBM, што значи не е преседан. И гледано од софтверска перспектива, тука нема ништо чудно, што значи дека оваа гласина делува доволно убедително.

Големото прашање е дали корисниците ќе прифатат? Одговорот на ова прашање најповеќе ќе зависи од цената. Според The Inquirer AMD ќе понуди тријадрен процесор за крајни корисници, а потоа серверската варијанта. Значи успехот на тријадрениот процесор зависи од релативна цена во однос на поскапиот Phenom (верзија на Barcelona за крајни корисници) и на постариот поефтин двојадрен Athlon. Ако цената на тријадрениот процесор е компетитивна со Athlon-от тогаш може да успее.

Исто така можно е дека перфомансите на Barcelona не се супериорни клок-за-клок во однос на Opteron како што некој се надеваа, што значи ако има слични перфомански по клок, и по јадро, во однос на двојадрените Athlon-И, тогаш корисниците можат да одлучат да ја прескокнат тријадрената опција ако таа не е ефтина колку и двојадрената.