10 инчен Acer Aspire One

Конечно се појавија и фотографии од новиот модел на популарниот нетбук на Acer кој доаѓа со малку поголем, 10 инчен екран. Според неофицијалните информации, овој нетбук ќе може да се набави во три бои - бела, црна и црвена, а резолуцијата на неговиот екран ќе биде иста како и кај сегашниот девет инчен модел, значи 1024х600 пиксели. Новиот модел ќе може да се набави и со опции како Bluetooth и 3G модул, а новоста е и редизајнот на тракпадот чии типки ќе се наоѓаат под, а не покрај него како до сега, што на многумина им беше незгодно. Информациите говорат дека оваа верзија на Acer Aspire One ќе доаѓа опционално и со Linux и со Windows XP. За сега, не е познат точниот датум на излегување, како ни неговата цена.