Особини на GeForce 9 картичките за преносни компјуери

За време на CES 2008 беа претставени неколку преносни компјутери со графички картички од новата серија на гигантот nVidia. GeForce 9 се појави со своите претставници GeForce 9300M и 9500M.
Според изворите, двете картички се од ниска класа. Имено 9800М доста наликува по својата структура на својот претходник 8400М GS, додека 9500М е речиси иста со 8600 GT. Конструирана по 65nm технологија GeForce 9300M поседува 64 битен интерфејс, 16 стрим процесори и работна фреквенција од 400MHz (GPU), 800MHz (SPs) и 600MHz и сосем очекувано поддршка за DirectX 10(.0). Оваа графичка картичка има 256 МВ меморија.
Другата претставена картичка има 32 стрим процесори, 128 битен интерфејс и 512 МВ меморија. Работната фреквенција кај неа се движи од 475MHz (GPU), 950 (SPs) и 700MHz.
Картичките веќе се спремни да ги диктираат новите стандарди во компјутерската графика на преносните компјутерски системи , но сепак ентузијастите треба да почекаат уште малку за високо-производителните картички од серијата GeForce 9.

Повеќе за ова може да прочитате на официјалниот сајт на CES