Seagate и AMD официјално го претставија SATA-3

Seagate и AMD за прв пат го демонстрираа престојниот SATA-3 интерфејс кој има максимална брзина до 6Gb/s и е компатибилен со сите претходни верзии. Според нефицијалните информации, новиот интерфејс треба да го видиме наскоро во новите плочи кои ќе бидат наменети за AMD процесори, додека за Intel ќе се појават нешто покасно.
SATA-3 е компиатибилен со претходните стандарди SATA 300 (3 Gb/s) и 150 (1,5 Gb/s), а за поврзување со компјутерот се користат тотално идентични кабли. Теоретските брзини на новиот интерфејс се 6 Gb/s, а во burst начин на работа постигнува теоретска брзина на трансфер до 600 MB/s. Освен поголемите брзини, подобрена е енергетската ефикасност и Native Command Queuing (NCQ), кои би требало да ги зголемат вкупните перформанси на уредите. Во пракса сепак брзините се нешто помали, а компаниите за демонстрацијата ја одбраа актуелната генерација Barracuda 7200.12 (SATA-300) и прототип на Ваracudа со SATA-3(600). Системот за тестирање го сочинува AMD плоча со прототип чипсет кој го поддржува новиот интерфејс, а брзините се движеле околу 250 MB/s за SATA-300 односно oколу 550 MB/s за новиот SATA-3(600). Seagate признава дека од новиот интерфејс класичните магнетни дискови нема да имаат некоја голема корист, но брзините би можеле да дојдат до израз кај SSD уредите. Интерфејсот е веќе спремен за интеграција во SSD дисковите, додека првите класични дискови на пазарот ќе се појават во 3,5 инчен формат со брзина на вртење од 7.200 RPM, а ќе бидат наменети за најзахтевните корисници. Првите дискови во продажба би требало да се појават во текот на оваа година.