Како да убрзате бутирање на Windows (vol.2)

За да го убрзаме бутирањето на Windows-от, ќе менуваме малце во опциите на BIOS-от (Basic Input/Output System). BIOS-oт е првичната програма која се стартува со стартување на компјутерот, која ги проверува сите хардверски делови и која го стартува оперативниот систем.

* Влегуваме во BIOS менито со притискање на тастерот Delete (над стрелките), или F2 (најчесто кај лаптопите) во зависност од BIOS-oт:

1. Ја бараме опцијата Boot Order, која може да биде како посебно мени во BIOS-от, или пак да се наоѓа во Аdvanced Options. Откако ќе ја најдеме, за First Boot Device го одбираме примарниот хард диск (HDD-0). Како втор може да го ставите CD-ROM итн.итн. Доколку за прв драјв за бутирање беше поставен CD-ROM, или Floppy, системот губи дополнително време проверувајќи дали има медиум во тој драјв и откако не ќе може да бутира од нив, почнува со бутирање од хард дискот. Вака скратуваме драгоцено време и му кажуваме на системот да бутира директно од хард дискот.
2. Во BIOS менијата ја бараме опцијата Quick Boot. При стартување на компјутерот, BIOS-от диктира проверување на сите хардверски компоненти. Меѓу нив спаѓа и броењето на меморијата, што станува многу долго доколку имате повеќе рам меморија. За да го скратиме и тоа време, ја активираме опцијата Quick Boot. Кај некои верзии на BIOS, овозможено е деактивирање само на Мемоry Check.

* Овој tweak се прави надвор од BIOS-oт со стартуван WindowsXP. Се работи за дефрагментација на boot секторот. Дефрагментацијата значи дека сите boot фајлови се сместени еден до друг (или ако не се, ќе бидат сместени) на хард дискот и со тоа се овозможува побрзо бутирање. За да направиме дефрагментција на boot секторот ги правиме следните чекори:

1. Одбираме Start -> Run -> и пишyваме Regedit -> OK
2. Потоа одиме до HKEY_LOCAL_MACHINE\SOFTWARE\Microsoft\Dfrg\BootOptimizeFunction
3. Го селектираме го Enable од листата во десно со десен клик и притискаме Modify
4. Ја менуваме вредноста со Y
5. Рестартираме компјутер