Intel го купи Havoc

Intel го најави купувањето на развивачот на програмерски алатки за игри Havok, авторите на познатиот Havok физички енџин кој се користи во многу познати игри како што е Bioshock, Oblivion, Half-Life 2 и Halo 2. Според Intel, Havok ќе продолжи да работи како што си работел досега.

Значи, ако Havoк продолжи со истиот начин, тогаш зошто Intel ги купи? Навистина, зошто Intel би купувал развивач на алатки за игри на прво место? Одговорот на двете прашања е, нормално, Larrabee. Касно во 2008 или рано во 2009, Кога Intel ќе го лансира идниот GPU производ (кодно име Larrabee) во новиот 45 nm процес, Intel ќе се сретне со голем проблем: DirectX 10. Larrabee е поинакво чудовиште отколку традиционалниот GPU, и посебно специјализиран за физика и ray-tracing во реално време. Додатно, во чипот има додатен специјален хардвер се со цел да се подобри raster графиката во споредба со традиционалните GPU.

Поради уникатната архитектура, кога Larrabee ќе дебитира ќе може да прави фантастичен ray tracing и физика на што другите GPU не ќе можат да се спротистават, но не е јасно дали картицата ќе биде добра за DirectX 10 игри. Ако се покаже дека DirectX 10 перфомансите се послаби, тогаш Intel ќе мора да корисниците да се навикнат на помали број на фрејмови отколку решенијата на NVIDIA и AMD/ATI. А и, игрите во 2008 нема да користат raytracing, што значи моќта на Larrabee за ray-tracing нема да значи ништо.

Eден начин да се подржи Larrabee во игрите е да се купи софтверска компанија која се користела во топ игрите и ќе има огромна придобивка од Larrabee уникатната архитектура. Havok ги има овие две работи. Intel ќе може да направи Havok физичкиот енџин да „лета“ на Larrabee, па кога би се лансирал новиот GPU ќе може да рекламира како „доволно добар за DX10“ споено со „но видете што може да направи со физиката и вештачката интелегенција“. Ако Intel убеди доволно корисници заедно со комбинацијата од Havok перфомансите и ветувањето за ray-tracing (real time ray tracing RTRT) во реално време, тогаш компанијата ќе може да понесе доволно голема инсталирана база за да ги заинтересира развивачите на игри да направат RTRT верзии на нивните игри.