Intel Core® i7™

Компанијата Intel го претстави својот најнапреден процесор наменет за десктоп компјутерите Core i7, кој е прв член на новата Nehalem група на процесори. Core i7 претставува најсофистициран процесор кој досега е направен со помош на технологијата која ги забрзува перформансите и ја максимизира количината на податоци кои е можно да се обработат. Core i7 ја убрзува обработката на видео материјали, игри и останатите апликации за повеќе од 40%, а при тоа не ја зголемува потрошувачката на енергија. Turbo Boost технологијата на Intel ги забрзува перформансите за да одговори на потребите на корисниците. Низ софистицирана единица за контрола на напонот во самото јадро и со новите "power gate" транзистори базирани на напредниот 45 нанометарски high-k metal производен процес на Intel, Turbo Boost автоматски ја подесува клокуваната брзина на едното или повеќето засебни процесорски јадра за апликации со еден или повеќе тредови, како би се засилиле перформансите, а сето тоа без зголемена потрошувачка на енергија. Core i7 исто така ја поседува најновата технологија на Intel за заштеда на енергија, овозможувајќи им на десктоп компјутерите sleep состојба која претходно беше резервирана само за ноутбук компјутерите базирани на Intel. Core i7 просецесорот има повеќе од двојно поголем мемориски проток во однос на претходната Intel Extreme платформа и нуди дури до 40% побрзи перформанси отколку претходните процесори со високи перформанси на Intel.