Управување на компјутер со помош на мислите.

Компанијата OCZ го претстави својот нов производ кој што претставува глувче за работа со компјутерот преку мислите.

Развојот на технологијата во денешно време овозможува да се направат доста револуционерни откритија како што е The EPOC на компанијата Emotiv. Компанијата објави дека многу брзо овој уред ќе може да се користи во 3D игрите и ќе биде со цена околу $300.
Основната идеја на The EPOC е да ги детектира сигналите кои ги создава човечкиот мозок, а голем дел од функциите ќе се состојат во распознавање на над 30 гримаси на лицето, кои повторно ќе бидат поврзани со сигналите добиени од мозокот. The EROC ќе им овозможи на играчите да ја почувствуваат играта на еден сосема нов и различен начин.



Според компанијата Emotive ова ќе биде првиот уред од тој тип, кој нема да има потреба од голем број проводници и електроди кои ќе бидат зацврстени на главата и специјално обучен персонал за неговото правилно функционирање. The EPOC се базира на енцефалографијата што претставува начин за распознавање на мозочните сигнали и се користи веќе долго време.
The EPOC ќе создаде големи промени во начинот на играње така што херојот во играта ќе реагира со гестови и мимики исто како и самиот играч.
Уредот добро ќе се вклопува на главата на корисникот, а комуникацијата со компјутерот ќе се одвива преку USB. The EPOC содржи жироскопи со што покрај можностите за распознавање на гримасите на лицето се распознаваат и движењата на главата.