Intel започна со продажба на Core i7 процесори

Компанијата Intel започна со продажба на новите модели на процесори Core i7, пред официјално да ги претстави.



Еден од новите два модела е и еден од најбрзите четири јадрени процесори на денешницата, Core i7 Extreme 975, кој работи на фрекфенција од 3,33GHz, а содржи и 8MB кеш меморија од трето ниво. Неговата цена во малопродажба се движи помеѓу 1100 и 1250 американски долари. Новиот процесор ќе го замени постоечкиот модел Extreme 965 како најбрз Core i7 чип.

Вториот модел кој е пуштен во продажба е Core i7 950 со работен такт 3,06GHz кој исто така има 8MB кеш меморија од трето ниво. Неговата цена се движи околу 650 американски долари и можно е да го замени постоечкиот модел 940 чие производство Intel планира да го прекине.

Компанијата планира да ги замени постоечките чипови Core i7 на почетокот на 2010 година со процесори со работен такт кој е наречен Gulftown. Новите чипови ќе бидат изработени со 32 нанометарски производ преоцес, кој ќе им овозможи повеќе работни тактови и пониска потрошувачка во однос на Core i7 моделите. Овие чипови Gulftown се дел од новата платформа Westmere.